Rekomandime për instalimin e sistemit RDI

Shënime të rëndësishme

Gypat GrowStream™ janë të destinuara për instalim nëntokësor dhe janë të ndjeshëm ndaj rrezatimit UV. Gjatë magazinimit dhe instalimit të gypave, mbrojtja nga ekspozimi i zgjatur ndaj rrezeve të diellit dhe rrezatimit UV.

Rregullatori i presionit duhet të instalohet në pikën më të lartë të instalimit dhe një manometër duhet të instalohet me rregullatorin e presionit. Diferenca në lartësi në gypin në rrjedhën e poshtme të rregullatorit të presionit nuk duhet të kalojë 50 cm.

Gypi duhet të mbushet me ujë sa më shpejt të jetë e mundur pas instalimit. Nëse gypi i zbrazët mbetet i groposur nën tokë për disa javë, dheu mund të bëhet shumë i ngjeshur dhe të parandalojë procesin e mbushjes së gypit.

Pas instalimit të parë, gypi GrowStream™ duhet të mbushet me një presion mes 0,04 dhe 0,07 bar (0,5 deri në 1 psi) dhe të lihet nën këtë presion për një ditë. Pas 24 orësh, presioni duhet të rritet në rreth 0,17 bar (2,5 psi) për të filluar fazën e ngurtësimit, gjatë së cilës gypi do të rrjedhë uji në të gjithë gjatësinë e tij.

Faza e zhvillimit mundë të zgjasë nga një deri në tre javë, pas së cilës presioni i gypave duhet të reduktohet në 0,1 deri në 0,17 bar (1 deri në 2,5 psi) në mënyrë që gypi të vazhdojë të funksionojë në një mënyrë të përgjegjshme.

Përcaktimi i presionit varet nga stina e vitit dhe nevojat e bimëve. Në fillim të pranverës, nevojat e bimëve nuk do të jenë të mëdha, kështu që presioni mund të zvogëlohet ndërsa në periudhën e verës kur nevojat e bimëve per ujë rriten, presioni duhet të rritet për t’u siguruar bimëve disponueshmëri më të mirë të ujit.

RDI sistemi për ujitje përgjegjshëme nuk ka cikle të ujitjes të caktuara me kohë. Nevojitet një furnizim i vazhdueshëm me ujë nga ujësjellësi kryesor, rezervuari me pompë ose rezervuari i ngritur  në lartësi me mbushje automatike. Gypat duhet të jenë vazhdimisht të mbushur me ujë, në mënyrë që të mund të lëshojnë ujin kur bimët kanë nevojë për të. Rredhja e ujit është ndryshueshme përgjatë sipërfaqes së Gypit.

Plehrat e tretshëm në ujë mund të shpërndahen përmes gypit GrowStream. Rrjedha e tretësirës nëpër gyp mundë të ndikohet nga presioni në sistem dhe agrokimikatet që shtohen. Për shkak të efikasitetit më të lartë të ujitjes RDI në krahasim me sistemet standarde me pika, dozat e rekomanduara duhet të reduktohen me 30% në krahasim me rekomandimet standarde të prodhuesit.

Në zonat ku ka rrezik nga ngrica, furnizimi me ujë duhet të mbyllet në kohë. Nëse bimët ende nuk janë në gjendje litargjie, një pjesë e ujit në gyp do të konsumohen ngadalë, çka do të lërë hapësirë për zgjerimin e volumit të ujit të mbetur gjatë ngricës. Nëse priten periudha të gjata me temperatura nën 0°C, rekomandohet që të hapen skajet e gypave dhe të lihet uji të dale nga gypat. Gjatë planifikimit të instalimit në këto zona, duhet të lidhen të gjitha skajet e gypave dhe të bashkohen me ventilin e shkarkimit në pikën më të ulët.

Nëse për shkak të ndryshimit të mbjelljes është e nevojshme të hiqen përkohësisht gypat, ato mund të nxirren me kujdes, duke u siguruar që të mos aplikohet forcë e madhe tërheqjeje. Rekomandohet gjithashtu përdorimi i dorezave për të mbajtur gypat sa më të pastër gjatë nxjerrjes. Gypat e nxjerrë duhet të mbështillen me kujdes rreth një objekti cilindrik dhe të mbështillen me folie të zezë si mbrojtje gjatë magazinimit.

Nëse gypat kanë qenë i zbrazur për disa javë, kur rikthehen në funksion, është e nevojshme të përsëritet faza e forcimit te gypit (curing phase) duke rritur presionin në gyp në rreth 0,17 bar (2,5 psi). Periudha e zhvillimit mundë të zgjasë dy deri në tre ditë, pas së cilës presioni i gypave duhet të reduktohet në 0,1 deri në 0,17 bar (1 deri në 2,5 psi) në mënyrë që gypi të vazhdojë të funksionojë në një mënyrë të përgjegjshme.